GEMA SUNDA Kabupaten GARUT

Sekretariat DPD GEMA SUNDA Kab. GARUT
Jl. Sadahurip no 40 Muhammadiyah (bumina kang Cecep R. Rusdaya)
kelurahan Regol, Kecamatan Garut Kota, Garut - Jawa Barat

Bank : Bank Jabar Banten
No Rek : 0018335166101
A/n : Itjeu Chairiani

facebook https://www.facebook.com/groups/106033886163626/

website http://gemasundagarut.wordpress.com/

Kontak person : Agus Pakusarakan, Itjeu Chairiani Ratna, sareng Hj Susi Srimulyati


---------------------------------------------------------------------------------------------------
GEMA SUNDA Kabupaten GARUT nyaeta seke tina DPP GEMA SUNDA Jawa Barat, tos pastina sagala rupina sami sreng DPP mung benten dina wewengkon mung sa Garuteun.. atuh pangurusna sifatna KORDA koordinator Daerah
---------------------------------------------------------------------------------------------------
A. JATIDIRI.
Jatidiri organisasi GEMA SUNDA nyoko/nyumber tina tatapakan anu patali jeung sikep anu ngangkat ajen masyarakat Sunda Kabupaten Garut dina ngudag kamajuan jeung pikiran anu cekas pikeun nangtukeun lengkah geusan ngawujudkeun Kabupaten Garut anu Tata Tengtrem Kerta Raharja.
B. SIPAT.
Organisasi GEMA SUNDA teh sipatna independent jeung netral/non-partisan. wiwitan diadegkeunana GEMA SUNDA dimimitian tina gunem catur panjang diantara para inohong Sunda Provinsi Jawa Barat anu ngabogaan kasang tukang, disiplin elmu jeung propesi anu mibanda pamikiran anu rancage, parigel, perceka, tanginas tur binangkit geusan ilubiung ngaronjatkeun jeung ngamumule ajen jeung kultur falsafah Sunda nepika ngamuara kana kasaluyuan keur ngawangun organisasi Kamasyarakatan (Ormas) kalawan jatidiri ka-Sunda-an.
C. VISI jeng MISI.
GEMA SUNDA teh ngarupakeun hiji beungkeutan gawe bareng sabilulungan, tuker luang jeung pangaweruh diantara warga masyarakat Sunda Kabupaten Garut, Visi-Misina mangrupa ieu:
1. VISI.
“ngajanggelekun lumangsungna ugeuran-ugeuran rupaning pasualan balarea anu hade, nemrak, demokratis tur bisa diandelkeun di Kabupaten Garut”.
2. MISI.
a. Ngajadikeun GEMA SUNDA hiji wadah pikeun ngagodog watek warga masyarakat Sunda Kabupaten Garut dina organisasi;
b. Ngajadikeun cukang lantaran nyambungna rupa pasualan anu nemrak jeung tumuwuh diantara masyarakat jeung pamarentah daerah tepika ngahontal kamaslahatan keur dua pihakanana;
c. Ngarekahkeun kapinteran, kaparigelan, kapercekaan jeung katulatenan geusan ngabeukahkeun jeung ngaronjatkeun karaharjaan warga masyarakat Sunda Kabupaten Garut anu kukuh;
d. Ngaronjatkeun ajen kahirupan sosial warga masyarakat Kabupaten Garut anu nyoko/nyumber kana ugeuran agama jeung budaya Sunda.
D. ASAS.
GEMA SUNDA teh make dadasar/asas Pancasila.

E. TUJUAN.
1. Nyayagikeun masyarakat Sunda Kabupaten Garut anu salawasna ngamumule budiparangi/moralitas jeung ajen kaimanan sarta kataqwaan ka Alloh SWT;
2. Nanjeurkeun komara hukum/supremasi hukum, Hak Asasi Kamanusaan/HAM, ngabasmi korupsi jeung panyalahgunaan wewenang di saban instansi Pamarentah ;
3. Ngaronjatkeun tumuwuhna ekonomi jeung daya beuli warga masyarakat Sunda Kabupaten Garut; (poros eknomi bangsa sunda Garut)
4. Nuwuhkeun jeung mageuhan beungkeutan shilaturahmi diantara papada putera bangsa dina wengkuan Bhineka Tunggal Ika geusan tetep kukuhna Nagara Kasatuan Republik Indonesia (NKRI).

wasalam
DPD GEMA SUNDA Kab. GARUT