Korong ( Ron's Vs Novie )

"Ron, apal teu, naon sababna korong asin ?"
"Naha maneh bet nyaho mun korong teh asin ?"
"Ah, kungsi ngasaan we.."
"Meni diasaan sagala atuh, jiga nu teu percaya bae.."
"Lain, harita teh pan keur ngorong, tuluy ku uing teh dipuruntal 
 purintil..asaan ulah...asaan ulah..nya ahirna mah dilamot. 
 Atuda panasaran. Ari pek teh enya we asin geuning. hi hi .. "
"Tah jalma nu belegug teh nyaeta jalma nu ngalamot korong sorangan.."
"Meni kitu maneh mah"
"Komo nu belegug pisan mah, nyaeta jalma nu sok ngalamot 
 korong batur"
"Nya heueuh atuh..ari maneh kungsi teu ?"
"Enya kungsi.."
"Atuh maneh ge belegug ?"
"Enya..."
"Geuning ngaku ?"
"Enya, uing mah da rumasa belegug, tapi nu leuwih belegug deui
 mah, nu ngalamot korong tapi teu apal kumaha rasana..."
"Hi hi .. enya lah kumaha maneh we... Tapi, cik jawab atuh pananya 
 uing tadi teh!"
"Nu tadi tea ? nu naon sabab korong rasana asin ?"
"Enya !"
"Teu apal kitu ?"
"Teu !"
"Matakna atuh, mun aya pelajaran korong teh asup, meh apal !"
"Ih, aya ku aneh-aneh bae maneh mah !, meugeus, geura jawab atuh
 mun apal mah.."
"Hmmm...kieu Ron... Asin-na korong teh mun urang tengetan
 leuwih jero, eta teh ngarupakeun hiji nikmat ti Gusti Alloh.
 Geura we ku maneh bayangkeun, mun korong rasana amis, atuh meureun
 mun maneh keur sare teh, irung maneh digembrong ku sireum .."
"Aeh, Heueuh nya ?"
"Kitu deui ceuli, mun ceuli jeung bukurna amis, pasti oge
 digembrong ku sireum. Kabayang meureun ku maneh, kumaha 
 jejereteanana mun liliangan diasupan ku sireum..
 Tah, kusabab Alloh mah adil, teu dibere rasa amis dina sarupaning 
 liliangan teh..sababna nyaeta, bisi digembrong sireum tea.."
"Ceuk saha eta teh ?"
"Nya ceuk uing atuh !"
"Lain, sinarieun maneh rada bener geuning nyaritana.."
"Bener kumaha ? da ti baheula ge bener uing mah.."
"Biasana pan sok pikasebeleun.."
"Pikasebeleun soteh ceuk maneh, da ceuk batur mah henteu..."
"Owh kitu ? "
"Enya.."
"Maenya ?"
"Enya.."
"Ah...piraku.."
"Kumaha maneh we ah.."
"hi hi ..."